( वृत्त - देवप्रिया / कालगंगा )
लोचने ही कोरडी आला तरी का पूर हा ?
कोणती ही वेदना अन् कोणता काहूर हा
जाणले आता तुझ्या प्रेमात आहे पेटणे
पेटण्यासाठीच केला देह मी कापूर हा
सोबती असतेस तेव्हा धावतो वेगे किती ?
काळ आता थांबला आहे किती बघ क्रूर हा..
नेहमी माझा दिलेला शब्द मी तर पाळला
अन् तुला नाही तुझा, का ? वायदा मंजूर हा
एकटे जगण्यात येथे काय राणी फायदा ?
सोडुनी जातोय आता श्वास माझा दूर हा
- श्रीकांत चवरे
नाशिक
No comments:
Post a Comment