मोजणी...(गझल)

मोजणी.....

चला वेदनांची करू मोजणी !
चला यातनांची करू मोजणी !!

तुझ्या आठवांच्यासवे स्फुंदल्या,
अशा स्पंदनांची करू मोजणी !!

ख-या कोणत्या आणि खोट्या किती ?
तुझ्या घोषनांची करू मोजणी !!

किती मुक्तले कुंभमेळ्यातुनी ?
अशा पावनांची करू मोजणी !!!

उरी वार केले कटाक्षातुनी,
अशा लोचनांची करू मोजणी  !!

अपू-याच माझ्या उरी राहिल्या ,
जुन्या भावनांची करू मोजणी !!

:- श्रीकांत चवरे
arvindanuj.blogspot.com