सहज

              सहज

         ( वृत्त -मेनका )

बोलणे त्यांना सहज का वाटते ?
ही स्थिती माझी उपज का वाजते ?

राहवेना एकही क्षण साजणे
तू मला माझी गरज का वाटते ?

भेटतो सर्वत्र जर अल्ला मला,
जीवनी जावेच हज का वाटते ?

सांगतो सा-यास गुन्हेगार तू,
आज तू झालास जज का वाटते ?

मी तुला समजून घेतो नेहमी
अन् तुझी स्वार्थी समज का वाटते ?

बोलतो प्रत्येकजण देशावरी
एकटे मज राष्ट्र-ध्वज का वाटते?

(जो करे त्यालाच माहित संकटे,
अन् तुला सारे सहज का वाटते ?)

- श्रीकांत चवरे
नाशिक / अकोला