तुझा मार्ग माझ्या दिशेने वळावा
उराचा तुझ्या टोलनाका टळावा
जिथे शेवटी मी तुला भेटलो..; त्या
तिथे एक आसू तुझा ओघळावा
म्हणे भाग्य संधी इशा-यात देते
मलाही इशारा तुझा सापडावा...
सदा संयमाने इथे वागलो मी
नको तोल आता असा हा ढळावा
गुलाबास काटे सखे मान्य येथे,
तुला हाय ! सहवास माझा नडावा ?
उमाळा तुझ्याही गळा दाटुदे रे
असा एकतर्फीच तो का रडावा ?
कशाला कुणाची उगा वाट पाहू ?
लढा आपला एकट्याने लढावा ...
- श्रीकांत चवरे
नाशिक
No comments:
Post a Comment