भीमा...

धम्मचक्र प्रवर्तन दिनाच्या निमित्ताने ही एक गझल माझ्या भीमासाठी....

                  भीमा....

तव कीर्तीचा ध्वज स्तंभावर चढवू भीमा...
पुन्हा एकदा विश्व बुद्धमय घडवू भीमा...

आकाशावर रंग पहा हा निळा फाकला,
अता करोडो मने निळ्याने मढवू भीमा

उभा ठाकला अन्यायाच्या विरोधात तू
लढा तुझा निकराने आम्ही लढवू भीमा

वाघीणीचे दूध पाजले शस्त्र दिले तू
जातीभेदाला या आता बडवू भीमा

गुलाम नाही कोणी आता समान सारे
बुरसटलेली विचारधारा अडवू भीमा

धम्मचक्र प्रवर्तनदिन हा म्हणतो आहे
पंचशील हा पाठ जगाला पढवू भीमा

           कवी- श्रीकांत विजय चवरे
                  अकोला.

© arvindanuj.blogspot.com