उगाच नाही .....

नशिबाने या मलाच छळणे  उगाच नाही ..!
डोळ्यांतुन या अश्रू गळणे उगाच नाही ..!!

आता कळले तुझे नि माझे ध्येय वेगळे !
या वाटेवर आली वळणे उगाच नाही !!

आधिच होती आग प्रीतिची उरात माझ्या !
प्रेमामध्ये माझे जळणे  उगाच नाही !!

सारे होते प्रेम तुझे ते खोटे राणी !
ऐनवेळी तुझे डळमळणे उगाच नाही !!

चंद्र माझिये निश्चित माझ्या जवळ असावा !
भावनांचिये लाट उसळणे उगाच नाही !!

देवाचाही कंठ जणू हा भरून आला !
पावसाचे असे कोसळणे उगाच नाही !!
  
        कवी - श्रीकांत चवरे
                 9595374741 
     arvindanuj.blogspot.com