पहिलीच भेट होती,
पहिलीच रात होती...!
मूर्ती तुझी जणू ही ,
पूर्वी उरात होती ...!!
पहिलीच रात होती...!
मूर्ती तुझी जणू ही ,
पूर्वी उरात होती ...!!
बोलावया तुझ्याशी,
केली किती तयारी..!
पण हाय ऐनवेळी
भीती स्वरात होती ...!!
केली किती तयारी..!
पण हाय ऐनवेळी
भीती स्वरात होती ...!!
चंद्रास आज माझा
होणार स्पर्श होता ..
ऐशी अपूर्व संधी,
माझ्या करात होती ...!!
होणार स्पर्श होता ..
ऐशी अपूर्व संधी,
माझ्या करात होती ...!!
डोळ्यांत पाहताना
कळले हळूच काही...
हलकेच नाव माझी ...
बुडली पुरात होती...!!
कळले हळूच काही...
हलकेच नाव माझी ...
बुडली पुरात होती...!!
कवी :- श्रीकांत चवरे
9595374741
9595374741
No comments:
Post a Comment